Алматы облысының Қызыл Қайрат а. психоневрологиялық аурулары бар және тірек-қимыл аппараты бұзылған балаларға арналған «Ақ жол-М» оңалту орталығының жаңа ғимаратының салтанатты ашылуы өтті. Жаңа ғимараттың ауданы 1600 ш.м., төрт деңгей (жертөле және үш қабат) құрайды.
Оңалту көмегін көрсету үшін Орталықта емдеу-дене шынықтыру, түзету-дамыту, психокоррекциялық және қалпына келтіру сабақтарына арналған 37 кабинет жұмыс істейді, сондай-ақ физиотерапиялық рәсімдер, жалпы білім беру сабақтары өткізіледі. Бассейн, тұз және шунгит шахталары, хореография залы, дыбыс жазу студиясы және т.б. бар.
Қайырымдылық жобасы аясында «Қазақстан халқына» Қоғамдық қоры 80-нен астам оңалту жабдықтарын, мамандандырылған жиһаздар мен мүкәммалды сатып алды, сондай-ақ логопед, дефектолог, Монтессори кабинеттерін, интерактивті, сенсорлық және тұзды бөлмелерді кешенді жарақтандырды. Оңалту бөлімшесін жарақтандыруға қор 944,9 млн теңге бөлді.
Сатып алынған жабдық оңалтудағы кешенді тәсіл арқылы мүмкіндігі шектеулі балалар мен жасөспірімдердің өмір сүру сапасын арттыруға мүмкіндік береді. Орталықта 1,5 пен 18 жас аралығындағы балалар айналысады. Оңалту қызметтерін күніне 170-200 бала ала алады деп күтілуде.
Орталықтың салтанатты ашылуына Алматы облысы әкімінің бірінші орынбасары - Нұрлан Абдрахим, «Қазақстан халқына» ҚҚ Қамқоршылық кеңесінің мүшелері - Зауре Аманжолова, Эльмира Алиева, Серік Сейдуманов, сондай-ақ «Қазақстан халқына» ҚҚ басқарма төрағасы - Болат Жамишев қатысты. Іс-шараға жұртшылық өкілдері, Орталықтың қамқоршылары мен олардың ата-аналары, сондай-ақ БАҚ қатысты. Қонақтар үшін мерекелік концерт және қолдан жасалған естелік кәдесыйлар дайындалған болатын.
«Ақ жол-М» Оңалту орталығы Алматы облысының Қызыл Қайрат ауылында орналасқан, оған тек Талғар ауданынан ғана емес, жақын маңдағы басқа аудандардан (Еңбекшіқазақ, Іле ауданы және т. б.), сондай-ақ басқа қалалар мен ауылдардан, соның ішінде Шымкент, Семей, Нарынқол,Кеген, Арыс, Қонаев, Алматы, Лепсі, Сарқант және т.б. келуде.
«Қазақстан халқына» қоры ерекше балаларға және мүгедек балаларға арналған оңалту орталықтарын құру бойынша ауқымды жұмыс жүргізіп жатқанын атап өту керек. Серіктестермен, атап айтқанда "Самрұқ-Қазына" және "Қамқорлық" қорларымен бірлесіп Атырау, Өскемен, Талдықорған, Шымкент, Тараз, Орал, Сарыағаш, Қарағанды және Петропавл қалаларында 9 сәби шақта араласу орталығы ашылды. Талдықорған, Өскемен, Павлодар, Тараз және Шымкент қалаларында аутизмі және басқа да ақыл-ой кемістігі бар балаларға арналған 5 орталық бар.
Анықтама:
«Ақ жол-М» оңалту орталығы өз қызметін 2014 жылы бастады, оңалтуға мұқтаж балалардың үлкен ағынына байланысты алаңды кеңейту қажеттілігі туындады. Орталықтың құрылтайшылары көрші учаскені сатып алып, қайырымдылықтар мен меценаттардың қолдауы арқылы жаңа корпус салынған болатын.
