Қордың қолдауымен Атырау, Батыс Қазақстан, Солтүстік Қазақстан, Қостанай, Ақмола облыстарының ауылдарында 627 отбасына тұрғын үй салуға қаржыландыру қарастырылған. Құрылыс-монтаж жұмыстарын аяқтаудың жоспарланған мерзімі – ағымдағы жылдың тамыз/қыркүйек айлары
Қазақстан өңірлеріндегі апаттың ауқымын ескере отырып, Қордың Қамқоршылық кеңесі 2024 жылғы 8 сәуірде су тасқынынан зардап шеккен аудандарда үй салуға 10 млрд теңге бөлу туралы шешімді бекітті.
Сонымен қатар, 1 сәуір мен 31 мамыр аралығындағы кезеңде заңды және жеке тұлғалардан Қордың шоттарына түскен барлық қайырымдылықтары осы мақсаттарға жұмсалады.
*2024 жылғы 16 мамырда Қор мен Ақтөбе облысының әкімдігі арасында су тасқынынан зардап шеккен аудандарда 80 тұрғын үй салу туралы меморандум жасалды. Апат салдарынан қираған тұрғын үй иелерінің ерік-жігерін ескере отырып, ЖАО қайталама жылжымайтын мүлік нарығында пәтерлер мен үйлерді сатып алу туралы шешім қабылданды.
Зардап шеккендерге тұрғын үй салу үшін Қор Батыс Қазақстан (114), Солтүстік Қазақстан (100+100), Қостанай (89), Ақмола (144), Атырау (80 үй) облыстарының әкімдіктерімен меморандумдарға қол қойылған.
Меморандумда тараптардың міндеттері және барлық рәсімдердің ашықтығын сақтай отырып, қысқа мерзімде қайырымдылық мақсатқа жету үшін функцияларды бөлу айқындалған.
Солтүстік Қазақстан облысында қордың қатысуымен 200 тұрғын үй «Солнечный-2» шағын ауданыда (Петропавл қаласының маңы) салынып жатыр
24 сәуірде облыс әкімдігімен «Қазақстан халқына» қоры есебінен 100 тұрғын үй салу туралы меморандум жасалды.
14 мамырда «Қазақмыс» корпорациясы, Солтүстік Қазақстан облысының әкімдігі және «Қазақстан халқына» қоры 100 тұрғын үй салу туралы меморандумға қол қойды.
Мердігерлерге төлеуші ретінде әрекет ететін «Қазақстан халқына» қорына «Қазақмыс» корпорациясы қайырымдылық көмек ретінде 2,4 млрд теңге бөледі.
26 сәуірде Қостанай облысының әкімдігімен су тасқынынан зардап шеккен аудандардағы тұрғын үйлерді қалпына келтіру туралы меморандумға қол қойылды.
Сауалнама және қираған үйлердің иелерімен кездесу нәтижелері бойынша жергілікті атқарушы орган Қостанай, Жангелдин және Амангелді аудандарындағы Алтынсарино, Тауш, Көлқамыс, Амангелді, Есір, Байғабыл, Ағаштыкөл, Қарасу, Амантоғай ауылдарына 88 тұрғын үй салу туралы ұсыныс жасалды.
Сонымен қатар, Тауш ауылының тұрғындары үшін құрастырмалы модульдік ангар типті спорт залы салынып, толықтай жабдықталады.