Жобаның 1 кезеңін іске асыру кезеңі:
2023-2024 жылдар.
Жобаның 1-кезеңі шеңберінде тірек-қимыл аппараты бұзылған адамдарға кедергісіз орта және республикалық маңызы бар 3 қаладағы 80 мектепте білім алуға қолжетімділік қамтамасыз етіледі, 113 көтергіш орнатылады:
1) Алматы;
2) Астана;
3) Шымкент.
Мектептерде 1 (пилоттық) кезең шеңберінде Жобаны іске асыру кешенді сипатқа ие және мынадай міндеттерді шешуді көздейді:
Ғимаратқа кіруді қамтамасыз ету. Әрбір оқушының өз сыныбына еркін түсу мүмкіндігі болуы маңызды. Ол үшін оқу орнында, сондай-ақ іргелес аумақта пандустар мен шағын пандустар, сырғанауға қарсы жабындар, арнайы қоршаулар мен тұтқалар орнатылады.
Материалдық-техникалық базаны жаңғырту. Білім беру мекемесінде қолжетімді ортаны құру баспалдақтарға жылжымалы көтергіштерді орнатуды, саңылауларды кеңейтуді, сондай-ақ мүмкіндігі шектеулі оқушылар үшін арнайы жиһаз бен сантехниканы сатып алуды қамтиды.
Бейімделетін орынның болуы. Сыныптарда ерекше қажеттіліктері бар бала өз құрдастарымен бірдей оқу бағдарламасына қол жеткізе алатындай етіп бейімделген орындықтардың, үстелдердің қажетті санын қамтамасыз ету қажет.
Түзету мамандары мен педагогтарының болуы. Мүгедек балаларға инклюзивті білім беру әр оқушымен жеке жұмысты қажет етеді. Мамандар түзету, оңалту және оқыту әдістемелік бағдарламаларын барабар іске асыру мүмкіндігін қамтамасыз етуі қажет.
