2023 жылғы 29 желтоқсандағы жағдай бойынша Қор қайғылы қаңтар оқиғалары барысында зардап шеккен 705 адамға жалпы сомасы 2 млрд 625 млн теңгеге қайырымдылық көмек көрсетті:
- қаза тапқан 19 әскери қызметшінің, ішкі істер және Ұлттық қауіпсіздік органдарының қызметкерлерінің отбасыларына – 133 млн теңге (7 млн теңгеден);
- ауыр жарақат алған 111 әскери қызметшіге, ішкі істер және Ұлттық қауіпсіздік органдарының қызметкерлеріне – 333 млн теңге (3 млн теңгеден);
- қаза тапқан әскери қызметшілердің, ішкі істер органдары мен ұлттық қауіпсіздік органдары қызметкерлерінің отбасыларындағы 23 кәмелетке толмаған балаға – 46 млн теңге (әрбір кәмелетке толмаған балаға 2 млн теңгеден);
- қаңтар оқиғаларының кездейсоқ құрбаны болған 151 қаза тапқан ҚР азаматтарының отбасыларына – 1 млрд 57 млн теңге (7 млн теңгеден);
- кездейсоқ қаза тапқан ҚР азаматтарының отбасыларындағы 147 кәмелетке толмаған балаға – 294 млн теңге (әрбір кәмелетке толмаған балаға 2 млн теңгеден);
- атыс қаруынан зардап шеккен және жәбірленуші деп танылған 241 ауыр жараланған кәмелетке толған азаматтарға – 723 млн теңге (3 млн теңгеден);
- қаңтар оқиғасы кезінде жарақат алған 13 баланың отбасыларына – 39 млн теңге (3 млн теңгеден).
Қаза тапқан және ауыр жараланған әскери қызметшілердің, ішкі істер және Ұлттық қауіпсіздік органдары қызметкерлерінің, сондай-ақ қаза тапқандардың отбасыларында қалған кәмелетке толмаған балалардың тізімдерін осы ведомстволардың орталық аппараттары Қорға ұсынды.
Кездейсоқ құрбан болған Қазақстан Республикасының қаза тапқан азаматтарының отбасыларындағы кәмелетке толмаған балалардың (2022 жылғы 9 қаңтардағы жағдай бойынша 18 жастан аспаған) тізімдері ҚР қаза тапқан азаматтары бойынша құжаттарды жинау барысында қалыптастырылды.
Қор қаңтар оқиғаларының кездейсоқ құрбаны болған ҚР қаза тапқан азаматтарының отбасыларына қайырымдылық көмек көрсету бойынша жұмысты жалғастыруда. Бүгінгі таңда жұмыста бір отбасы бар.
Қазіргі уақытта атыс қаруынан зардап шеккен және жәбірленуші деп танылған 20 ауыр жарақат алған азамат бойынша құжаттарды жинау жұмыстары жалғасуда.
Қайырымдылық көмекті көрсетуді аяқтаудың негізгі тежегіштерінің бірі қажетті, оның ішінде растайтын құжаттардың болмауы болып табылады. Қайырымдылық көмек көрсету үшін қажетті құжаттар топтамасы мынадай құжаттардан тұрады: жеке куәлік; баланың туу туралы, неке қию (бұзу) туралы, қайтыс болу туралы куәлік; ақша алушыда шоттың болуы туралы екінші деңгейдегі банктің анықтамасы; сауалнамалық деректердің өзгеруі туралы анықтама, жазбаша эпикриз немесе оқ жарақатын алғаны туралы растайтын медициналық құжат.
Анықтама үшін: қаза тапқандар мен ауыр жарақат алғандардың туыстарында банк карточкалары жоқ және банктердің мобильді қосымшаларын пайдаланбайды немесе функционалды шектеулі мақсатты карточканы тек жәрдемақы алу үшін пайдаланады. Алушылардың басым көпшілігі құжаттардың фотосуреттерін жібереді, ал Қордың базасы сканерленген құжаттар бойынша құрылады.
Сондай-ақ, төлем алушылар арасындағы даулар маңызды тосқауыл болып табылады. Анықтама: жақын туыстары бір-бірімен ақшалай көмекті бөлу мәселесінде консенсусқа келе алмайды. Ажырасқан отбасыларда бұрынғы ерлі-зайыптылар марқұмның ата-анасына ақшалай төлемдер туралы шағым түсіреді.
Сонымен қатар, ҚР Бас прокуратурасы облыстардың, республикалық маңызы бар қалалардың және астананың әкімдіктерімен бірлесіп, "Қазақстан халқына" қорына қайғылы қаңтардағы оқиғалардан зардап шеккен ҚР азаматтары бойынша қажетті құжаттарды жинауға көмек көрсетеді.
