Читать на русском

© «Қазақстан халқына» әлеуметтік қоры Дизайн десант көмегімен.

Қайырымдылық жобасы

Көздің мүйізгек қабығын ауыстырып салуды қажет ететін көз ағзаларының аурулары бар пациенттерге қайырымдылық көмек көрсету

Жоба мақсаты

Бағдарламаның мақсаты - көру қабілетінің жоғарылауына, мүгедектіктің төмендеуіне және пациенттердің өмір сүру сапасының жоғарылауына әкелетін көздің мүйізгек қабығының соқырлығын жою.

Бағдарлама көз ағзаларының аурулары бар пациенттерге, атап айтқанда көздің мүйізгек қабығының (сүйел, бұлдырлық, туа біткен аурулар (кератоконус)) соқырлыққа әкелетін медициналық көмек көрсетуге бағытталған.


Жоба бюджеті

2022 – 2024 жылдарға

373 350 280 теңге


Негіз

Көздің мүйізгек қабығының патологиясы көру функцияларының төмендеуінің, нашар көру қабілетінің және соқырлықтың негізгі себептерінің бірі болып табылады.

Мүйізгек қабықтың аурулары тұрақты бұлдырлықтың пайда болуына және нәтижесінде көру қабілеті мен мүгедектіктің едәуір төмендеуіне әкеледі, ал көздің соқырлығы жағдайларының 80%-ы қайтымды.

Бүгінгі таңда мүйізгек соқырлығымен ауыратын пациенттерге көруді қайтарудың бірден-бір тиімді емшарасы болып табылатын мүйізгек қабықты ауыстырып салу (кератопластика) жөніндегі операциялар Қазақстанда 2018-2019 жылдары табысты жүргізілді. Сарапшылардың мәліметінше, аталған бағдарлама тоқтатылғаннан кейін Қазақстанда 2020 жылы кератопластика бойынша шұғыл операция қажет 1500-1700 пациенттен, оның ішінде 50-70 баладан тұратын пул жинақталғаны анықталды. Қазақстанда донорлық материал мен көз банкінің болмауы пациенттер үшін күрделі проблема болып табылады. Сондықтан, басқа елдің арнайы көз банкінен алынған консервіленген донорлық материалды қолдану бүгінгі күні мәселенің жалғыз шешімі болып табылады.


Жобаның қысқаша сипаттамасы

ҚазҰМУ базасында «Офтальмология» бөлімшесі мен кафедрасының қызметкерлері көздің мүйізгек қабығын ауыстыруды қажет ететін пациенттерді қабылдау, тексеру, консультация беру, іріктеу және олардың базасын жасауды жүргізетін болады.

Көздің мүйізгек қабығын ауыстырып салуды жүргізу «ҚазҰМУ» КеАҚ базасында офтальмология бөлімшесінің операциялық блогында орындалатын болады. Операцияларды «ҚазҰМУ» КеАҚ «Офтальмология» кафедрасы мен бөлімшесінің хирургтары орындайды. Сондай-ақ осы орталықтың базасында бұдан әрі операциядан кейінгі ем-шара және мүйізгек қабықты ауыстырып орналастырғаннан кейін пациенттерді емдеу жүзеге асырылатын болады. Осылайша, көздің мүйізгек қабығын ауыстырып салудың айына 10-15 операция жасалады.

Қазақстан Республикасының Денсаулық сақтау министрлігі кератопластика бойынша қолданыстағы тарифке сәйкес медициналық қызметтердің өтелуін МӘМС қаражаты есебінен қамтамасыз етеді. Бұл операциялар ерекше, өйткені олар мүйізгек қабықты толығымен өзгертпеуге, атап айтқанда кез-келген ауру кезінде зақымдалған қабатты өзгертуге мүмкіндік береді.

Бұл жұмсақ және патогенетикалық бағытталған операция әдісі. Осындай араласулардың нәтижесінде көру қабілетін қалпына келтіру тезірек жүреді, мұндай операция кезінде тігістер қолданылмайды, сәйкесінше тыртықтану процесі болмайды. Мұндай операцияларды Қазақстанда енгізу көру қабілеті бойынша мүгедек адамдардың санын қысқартуға айтарлықтай көмектеседі.


Қайырымдылық көмек алушылардың мақсатты тобы:

Көз ағзаларының аурулары бар пациенттер (бірінші кезекте балалар, жастар және еңбекке қабілетті халық), атап айтқанда көздің мүйізгек қабығын (белмо, бұлдырлық, туа біткен аурулар (кератоконус)), шұғыл ауыстыруды күтушілер.

Жобаны іске асыру мерзімдері мен кезеңдері

2022 - 2024 жыл. Бағдарлама ҚР азаматтары үшін 2 жыл бойы іске асырылады

Жобаны іске асыру бойынша серіктестер

  • Қазақстан Республикасы Денсаулық сақтау министрлігі (бұдан әрі - ҚР ДСМ);
  • «С.Д. Асфендияров» атындағы ҚазҰМУ» КеАҚ университеттік клиникасы.
  • «Medical Consulting Group» ЖШС

Жобалық құжаттар

© Социальный фонд «Қазақстан халқына»
С помощью Дизайн десант.
© «Қазақстан халқына» әлеуметтік қоры
Дизайн десант көмегімен.