Медициналық оңалту пациенттерді кешенді емдеудің ажырамас бөлігі болып табылады. Оңалту көмегін көрсету негізінен республикалық және облыстық деңгейдегі орталықтарда, стационарлардың оңалту бөлімшелерінде жүзеге асырылады. АМСК ұйымдарында оңалтудың жекелеген әдістері жүзеге асырылады: физиотерапия, массаж, ЕДШ. Алайда, қамту оңалту қызметіне қажеттіліктің 10 пайызын ғана құрайды. «ЕРЗИ» мүгедектер қауымдастығы» ҚБ 2015 жылы құрылған, коммерциялық емес ұйым болып табылады. Қауымдастық жұмыс істеген барлық уақытта 187 жұмыс орны құрылды, оның ішінде мүгедектігі бар адамдар үшін – 36. Қоғамдық жұмыс орындары - 66, азаматтық-құқықтық сипаттағы шарттар бойынша - 85.
Алты жыл ішінде 260 адам оңалтудан өтті. Бүгінгі таңда 40 адам оңалтудан өтті, жалпы 2024 жылы тірек-қимыл аппараты бұзылған мүгедектігі бар 50-60 адамға қызмет көрсету жоспарлануда.
Жоба шеңберінде сапалы оңалту қызметтерін алу үшін оңалту жабдығы сатып алынады. Жоба Қауымдастық базасында штаттық мамандар күшімен, қажет болған жағдайда қосымша білікті кадрларды (кинезиотерапевт-дәрігер, реабилитолог-дәрігер) тарта отырып іске асырылатын болады. Сатып алынған жабдық 18 жастан асқан мүмкіндігі шектеулі жандарды бейімдеуге және әлеуметтендіруге, әлеуметтік дағдыларды игеруге, сондай-ақ әлеуметтену мен қоғамға кірігуге көмектеседі және заманауи тиімді жабдықта сапалы қызметтер алуға жәрдемдесетін болады. Қауымдастық бірқатар оқу іс-шараларын өткізеді.
Жобаны іске асыру қорытындысы бойынша Қауымдастық қызмет алушылардың толыққанды әлеуметтік-тұрмыстық бейімделуін қалыптастыруға көмектесетін заманауи оңалту жабдықтарымен жарақтандырылатын болады. Сапаны арттыру, сондай-ақ медициналық-әлеуметтік қызметтер көрсетуді қолдау күтілуде.
