Тірек-қимыл аппараты бұзылған балаларды роботтық құралдармен (экзоскелеттермен) қамтамасыз ету

Тірек-қимыл аппараты бұзылған балаларды (церебральды сал ауруымен, ми жарақаттарымен, жұлынның зақымдануымен, параплегиямен, бұлшықет дистрофиясымен, Ретт синдромымен және басқа да аурулармен) тиімді оңалту, өздігінен қозғалуға көмектесу және әлеуметтену мүмкіндігі үшін заманауи жоғары технологиялық роботты құралдармен (экзоскелеттермен) қамтамасыз ету.

117 000 000 теңге (отандық өндіруші «MBionics» ЖШС шығарған бір экзоскелеттің құны негізінде 9 000 000 теңге, 13 балаға).

Қазіргі уақытта мүмкіндігі шектеулі балаларды техникалық құралдармен қамтамасыз ету өте өзекті болып табылады. Экзоскелеттер тірек-қимыл аппараты бұзылған адамдар үшін заманауи, жоғары технологиялық және тиімді оңалту құралы болып табылады.

Мүмкіндігі шектеулі балалар

• церебральды сал ауруы
• ми жарақаттары
• жұлынның зақымдануы
• параплегия
• бұлшықет дистрофиясы
• Ретт синдромы
• басқа аурулар

Өндірістің техникалық параметрлері бойынша биіктігі 130 дан 160 см ге дейін және салмағы 60 кг ға дейінгі балалар экзоскелеттермен қамтамасыз етуге жатады

• экзоскелеттің салмағы 25 кг құрайды
• Экзоскелеттің қызмет ету мерзімі - 5 жыл
• Кепілдікті сүйемелдеу - 1 жыл

2022-2023 жж

Жоба жүзеге асырылды.

Жобаның серіктесі «MBionics» ЖШС жасасқан келісім бойынша әрқайсысы 9 млн теңге тұратын 13 экзоскелет жасап, қайырымдылық көмек алушыларға таратқан. Соңғы экзоскелет 2023 жылдың 28 шілдесінде табысталды. Бүгінгі күні бағдарлама мониторингі аясында қайырымдылық көмек алушылар арасында оң динамика (өз бетінше қадамдар жасау, өз бетінше тұру, дене белсенділігін арттыру) байқалды.