Қазақстан өңірлеріне ауыр сырқаттары бар науқастарға арналған дәрі-дәрмек жеткізілді

«Қазақстан халқына» қоғамдық қоры ауыр сырқаты және орфандық аурулары бар науқастарды дәрілік заттармен қамтамасыз ету бойынша қайырымдылық көмек көрсету аясында Қазақстан өңірлеріне бірқатар препараттар жеткізілді.

«Импейшентс Н.В.» компаниясы және «ИНТЕРФАРМСЕРВИС» ресми дистрибьюторы Дюшеннің бұлшықет дистрофиясы диагнозы қойылған емделушілер үшін 23 желтоқсанда Алматы қаласына, Шымкент қаласына (екі жерде) және Түркістан, Солтүстік Қазақстан, Атырау облыстарына «Касимерсен» («Амондис-45») препараты, Жетісу облысына «Голодирсен» препараты («Виондис-53»), Павлодар облысына «Этеплирсен» («Экзондис 51») дәрілік заттары жеткізілді.