«Қазақстан халқына» қоры пара-хоккейден Қазақстан құрамасына спорт құрал-жабдықтарын сатып берді

Пара-хоккейден Қазақстанның жалғыз құрамасы пара-хоккейден (следж-хоккей) С пулындағы Әлем чемпионатында сәтті өнер көрсетіп, В тобына өтіп, екінші орынға ие болды.

Турнирге Қазақстан, Таиланд, Австрия, Ұлыбритания және Франция командалары қатысты. Отандық параспортшылар үшін осындай жоғары халықаралық деңгейдегі алғашқы жарыс. Дебюттік турнирде спортшылар төрт матчта үш сенімді жеңіске жетті (7:0, 10:0 және 9:2) және турнир кестесінде екінші орынға табан тіреді. Тек Ұлыбританияға (0:6) есе жіберіп қойды. Паралимпиада ойындарының чемпионатын ұйымдастырушылар қазақстандық құраманың ойынына тәнті болып, 2 орынға қарамастан, 2023 жылы В тобында өтетін келесі чемпионатта өнер көрсетуіне жолдама берді.

«Қазақстан халқына» қоғамдық қорының қайырымдылық жобасы аясында қазақстандық құрамаға пара-хоккейден халықаралық жарыстарға дайындалуы және қатысуы үшін спорттық мүкәммал сатып алып берді. Жоба Қазақстан Республикасында паралимпиадалық хоккейді дамытуға және қолдауға бағытталған.

Әлем чемпионатында параспортшылар Қор табыс еткен 50 дана сырғытпа таяқпен өнер көрсетті. Сондай-ақ, құрамаға 16 шана жеткізіледі деп күтілуде. Бұл мақсатқа «Қазақстан халқына» қоры 12,4 миллион теңге бағыттады.

«Парахоккей федерациясы 2021 жылы құрылды. Бастамашылар мүмкіндігі шектеулі, тірек-қимыл аппараты бұзылған азаматтар. Мақсатымыз – аяқ ампутациясы немесе кез келген басқа диагнозы бар, қиын өмірлік жағдайға тап болған адамдарға көмектесу. Мысалы, спортшылар арасында аяғынан айырылған кәсіби футболшылар бар. Пара-хоккейге келіп, жаңа өмірді бастап, үмітке қол жеткізді деуге болады. Командамызда 18 адам, соның ішінде бір қыз және екі жаттықтырушы бар. Ең жасы 17-де, үлкені 57 жаста. Қоржынымызда жеңістеріміз де бар», - деді Астана қаласы пара-хоккей федерациясының басшысы Қайрат Сабыров.

Бұған дейін параспортшылар түрлі жарыстарға қатысып, жетістіктерге қол жеткізген. Биыл құрама Омбыда өткен «Сібір Кубогы» халықаралық турнирінде күміс, Ханты-Мансийскідегі «Біргеміз. Спорт» паралимпиадашылардың Қысқы ойындарында қола медаль жеңіп алды. Өткен жылы Сочидегі «КХЛ Континент Кубогы» хоккейден халықаралық турнирде төртінші орынды иемденді. Қалыпты қызмет мерзімі небәрі 5 жыл болса да, бұл жарыстарда 2017 жылы сатып алынған мүкәммал қолданылып келді. Сондықтан, Астана қаласының пара-хоккей федерациясы «Қазақстан халқына» қорына жүгініп, мүмкіндігі шектеулі жандарға қолдау көрсетіп, хоккейге арналған шана мен сырғытпа таяқ сатып алуға көмек сұрады.

«Пара-хоккей – паралимпиадалық спорт түрі және біз оның Қазақстандағы даму мүмкіндіктерін байқап отырмыз. Жігіттеріміздің қарқыны ерекше, жеңуге дайын. Осы уақыт ішінде пара-хоккеймен айналысқысы келетін жанкүйерлеріміз бен пікірлес жандарды таптық. «Қазақстан халқына» қоры ұсынысымызға жауап беріп, мүгедек спортшыларды қолдағанына ризамыз. Бұл біз үшін күшті мотивация, ынта-жігерімізді одан ары арттыра түсті»,- деді Қайрат Сабыров.

Пара-хоккейден әлем чемпионатына қатысу мен жеңіп алған күміс медаль еліміздегі осы спорт түрінің деңгейін көтеруге, өңірлердегі параспорттың бұқаралық және танымалды етуге, сондай-ақ мүгедек адамдардың назарын спортқа аударуға мүмкіндік беретініне параспортшылар сенімді. Себебі аймақтарда мүмкіндігі шектеулі жандарға арналған мамандандырылған мұз сарайларының болмауына байланысты пара-хоккей жеткілікті дамымаған. Ерекше қажеттіліктері бар адамдарға арналған жалғыз Мұз сарайы Астанада «Тарлан» спорт кешенінде орналасқан.

«Қазақстан халқына» қорында спорт мүгедек адамдарды әлеуметтендірудің тиімді құралдарының бірі екенін атап өтті. Қор «Тұсау кесер» бағдарламасы аясында ерекше балаларға арналған еліміз бойынша бес дене шынықтыру-сауықтыру үйірмесін ашты. Сондай-ақ, еліміздің пара-атлеттері үшін спорттық-жүгіру протездерін жасау бойынша қайырымдылық бағдарламасын іске асыруда.

Құраманың  Астанаға оралуы 14 желтоқсанда сағат 19:30-да жоспарланған.

Сіз қиын өмірлік жағдайға тап болдыңыз ба?

Өтінім қалдырыңыз, Қор Сізге көмек көрсету мүмкіндігін табуға тырысады
© Социальный фонд «Қазақстан халқына»
С помощью Дизайн десант.
© «Қазақстан халқына» Қоғамдық қоры
Дизайн десант көмегімен.