Қазақстан Ұлттық паралимпиада комитетіндегі кездесу өтті

Бүгін «Қазақстан халқына» қоғамдық қорының басқарма төрағасы Болат Жамишев ҚР Ұлттық паралимпиада комитетінің бас хатшысы Ерлан Сүлейменовпен кездесті. Кездесуде паралимпиадалық спорт түрлерін дамыту және параспортшыларды қолдау жөніндегі бастамалар талқыланды.

Ерлан Сүлейменов еліміздегі паралимпиадалық қозғалыстың даму барысы туралы айтып, пара-жеңіл атлетиканы дамыту жобасы бойынша бірқатар ұсыныстар айтты.

«Соңғы 5-6 жылда Паралимпиада спортынан біз жүзу, пауэрлифтинг, дзюдо, таэквондо, шаңғы жарысы сияқты негізгі спорт түрлері бойынша айтарлықтай жетістіктерге қол жеткіздік. Жеңіл атлетика ең танымал спорт түрі болса да, спорттық протездердің қымбаттығына байланысты өнер көрсетпейміз. Қазіргі уақытта елімізде аяқ-қол ампутациясы бар 70 спортшы бар, тек бір ғана спортшының жүгіру тәртіптеріне қатысу үшін спорттық-жүгіру протезі бар, бұл параспорттағы насихаттау мен интеграцияны қиындатады», – деді Ерлан Сүлейменов.

2022 жылы Бейжіңде өткен Паралимпиада ойындарында шаңғы жарысынан бесінші орын алған Қазақстан Ұлттық паралимпиада құрамасының мүшесі Ербол Хамитов паралимпиадалық спорт түрлеріне қатысу тәжірибесімен және саладағы мәселелерімен бөлісті.

«Қазақстан халқына» қорының басшысы Болат Жәмішев Ұлттық комитет пен параспортмендердің еліміздегі бұқаралық спортты дамытудағы бастамаларының маңыздылығын атап өтті. Осыған байланысты ҚР Ұлттық паралимпиада комитетінің спорттық протездерді сатып алу бойынша қайырымдылық көмек көрсету туралы өтініші жақын арада қарастырылатын болады.

Сіз қиын өмірлік жағдайға тап болдыңыз ба?

Өтінім қалдырыңыз, Қор Сізге көмек көрсету мүмкіндігін табуға тырысады
© Социальный фонд «Қазақстан халқына»
С помощью Дизайн десант.
© «Қазақстан халқына» Қоғамдық қоры
Дизайн десант көмегімен.